Shaddy Boo umwe mu bigeme bakunzwe cane mu gihugu kibanyi c’Urwanda, ariko kandi akaba n’umwe muba Influencer bakomeye muri ico gihugu, ngo ari mu rukundo n’umusore inyuma y’imyaka itari mike ivy’urukundo atavyerekwa.
Uwo muvyeyi w’abana babiri yavyaranye n’umwe mu bahinyanyuzi bakomeye muri ico gihugu kibanyi, yemeje ivy’urwo rukundo rwari rumaze imisi runuganugwa hagati yiwe n’umusore yari agize imisi acisha ku rubuga rwa Instagram ruharurwa mu kibanza ca 1 mu zikurikiranwa cane muri ico gihugu.
Mu makuru dukesha ikinyamakuru igihe co mu gihugu kibanyi c’Urwanda baganiriye, uwo muvyeyi yemeje ayo makuru yavugwa kuri uwo musore w’umunyarwanda yavuzwe ko asanzwe aba mu gihugu ca Kenya.
Uwo mugore wa mbere mu Rwanda aheruka gukwiza Followers 1,000,000 kuri Instagram, akaba avyemeje inyuma y’imisi hariko haboneka amajambo y’urukundo ku rubuga rwiwe rwa Instagram, ariko kandi akaba yari agize n’imisi aboneka cane muri ico gihugu kibazwa Kenyatta, eka mbere n’uwo musore akaba yari agize igihe ariko araboneka cane kuri urwo rubuga rwiwe.
Shaddy Boo azwi ku mazina y’ukuri ya Shadia Mbabazi, akaba atari bwerekana umukunzi wiwe kuva mu mwaka wa 2016 atandukana na Meddy Saleh uwari umugabo wiwe banabana eka mbere Imana yanabahezagije abana 2 b’abakobwa bakunze nabo kuboneka bariko baratambana na Nyina kuri Instagram yiwe.
