Kuri uyu wa gatanu waraye uheze igenekerezo rya 13 Nyakanga umwaka wa 2019 niho umusatirizi w’intamba mu rugamba Shaka Bienvenue yatizwa mu mugwi Union Sportive Tatouine n’umugwi wiwe Etoile Du Sahel, akaba yatijwe ikiringo c’umwaka muri uyo mugwi Union Sportive Tatouine.
Benshi bakaba bakeka y’uko yoba yatijwe muri uyo mugwi bivanye n’ugukomereka kwiwe ivyanatumye ataronka umwanya ukwiye muri uyo mugwi wa Etoile du Sahel wo muri Tunisia.
Mukamenya y’uko Shaka Bienvenue niwe yatowe nk’umusatirizi mwiza w’ihiganwa rya Primus ligue ry’umwaka wa 2017-2018 aho mu nkino 29 zose yakiniye umugwi Aigle Noir yatsinze ibitsindo 30.
